Cinema Express

தெலுங்கில் ராம்சரண்-காஜல் அகர்வால் நடித்து வெற்றி பெற்ற படம் ‘கோவிந்துடு அந்தரி வாடு’. இப்படம் தற்போது தமிழில் டப் செய்யப்பட்டு வெளிவரவிருக்கிறது. இதற்கு ‘ராம்லீலா’ என்று பெயர் வைத்துள்ளார்.

பிரகாஷ் ராஜ், கமலினி முகர்ஜி, ரகுமான், பிரகதி, ஸ்ரீகாந்த் உள்ளிட்டோர் நடித்திருக்கிறார்கள். இயக்கியிருப்பவர் கிருஷ்ண வம்சி.

இவர் தெலுங்கில் முன்னணி நடிகர்களை வைத்து நிறைய வெற்றிப்படங்களை கொடுத்துள்ளார். யுவன் சங்கர் ராஜா இசையமைக்கிறார். விரைவில் இப்படம் திரைக்கு வரவிருக்கிறது.

அப்பா பிரகாஷ் ராஜூக்கும், மகன் ரகுமானுக்கும் ஏற்பட்ட பிரச்சினைகளை பேரன் ராம்சரண் தீர்த்து வைத்து உறவு சங்கிலி அறுந்து விடாமல் ஒன்று சேர்த்து வைக்கிறார்.

இந்த குடும்ப கதையை நகைச்சுவை, காதல், ஆக்ஷன் கலந்து கமர்ஷியல் பார்முலா படமாக கிருஷ்ண வம்சி உருவாக்கியுள்ளார். இஃபார் இன்டர்நேஷனல் என்ற படநிறுவனம் சார்பில் ராபி மதீரா தயாரித்துள்ளார்.

ஏற்கெனவே ராம்சரண்-காஜல் அகர்வால் நடிப்பில் தெலுங்கில் உருவாகி தமிழில் டப் செய்யப்பட்டு வெளிவந்த ‘மாவீரன்’ படம் தமிழில் எதிர்பார்த்த வெற்றியைத் தேடித்தந்தது. அதுபோல், இந்த படமும் வெற்றியைத் தேடித்தரும் என்று படக்குழுவினர் நம்புகின்றனர்.